Meinigheitshúsið hevur valt at skifta oljufýring út við fjarhita. “Vit ynskja at verða meira burðardygg”, sigur leiðslan.

Eitt nýtt tiltak verður í Meinigheitshúsinum í apríl. Tá verður ein serligur innleiðsludagur fyri nýggj fólk í meinigheitini. Kunning, prát og opið samskifti er á skránni, so tey nýggju fólkini í meinigheitini fáa eitt gott og skjótt innlit í alt virksemið og grundarlagið fyri meinigheitini. Ætlanin er at tiltakið verður afturvendandi á hvørjum ári.

Meinigheitsfundur verður leygardagin 20. Mars. Hetta er ein fundur, sum er á hvørjum ári. Í ár verður endalig góðkenning av visjónini fyri meinigheitina løgd fyri fundin. Meinigheitsfundurin er fyri fólk, sum koma í húsið regluliga.

Meinigheitshúsið í Havn skipar fyri eini ungdómspáskastevnu í døgunum 2-5. apríl. Vit gleða okkum at hátíðarhalda páskirnar saman og hoyra um Jesu deyða og uppreisn, sum broytti alt.

LANGAFRÍGGJAKVØLD KL. 20.00
Hvat hendi langa fríggjadag? v/ Tórur Jacobsen
Gøtu kirkju ungdómskór syngur

LEYGARKVØLD KL. 20.00
Hví mátti Jesus doyggja? v/ Tórur Jacobsen
Lovsangsløta

SUNNUKVØLD KL. 20.00
Jesu uppreisn – fup ella fakta? v/ Jákup Brúsá
Borgfríð Fonsdal syngur

MÁNAKVØLD KL. 20.00
Hvønn týdning hava páskirnar í dag? v/ Jákup Brúsá
Anton Liljedahl syngur

Hvørt kvøld verður góður lovsangur, og aftaná møtini verður drekkamunnur, hugni og spæl.

Leygardagin 13. februar fara fólk í Meinigheitshúsinum at gera høvuðsreint. Øll sum koma í húsið fara í felag at gera høvuðsreingering. Hetta merkir, at farið verður út í hvønn krók og støð, sum vanliga sjálvdan farið verður til. Reingerðingartoymið stendur á odda og eru uppgávurnar longu nú skipaðar. So tað er bara at møta upp í nakrar fáar tímar, so húsið verður val hildið - eisini í framtíðini.

Ungdómurin SALT fer at hava tiltøk aftur, eftir eina longri korona steðg. Komandi hóskvøld, kl. 20.00, fer Ólavur at hava andakt, lovsangur og góðar relatiónir. Kom við !

Vit harmast um, at Rolf Kjøde ikki kemur á hesum sinni. Orsøkin er korona, sum ger um seg av nýggjum í Norra og her heima eru eisini avbjóðingar enn við korona. Tí hevur leiðslan saman við Rolf tikið endaliga støðu um, at Temadagarnir eru avlýstir í 2021. Vit hava hinvegin gjørt avtalu við Rolf, at hann kemur í 2022 í staðIn. Vit vóna at tað fer at eydnast.

Vit ynskja tykkum øllum eitt gott og vælsignað nýggjár. Takk fyri tað brátt farna. Takk fyri stuðul, bæði fíggjarliga og andaliga við forbøn. Vit bjóða nýggja árinum vælkomið og eru vit sera spent uppá. hvat Harrin fer at leiða okkum til.

Leiðslan í Meinigheitshúsinum í Havn hevur avgjørt at avlýsa øll møtir og tiltøk, vegna korona. Hetta er sjálvandi harmuligt, men neyðugt, er niðurstøðan hjá stýrinum.

Sunnudagsskúlin og ungdómurin farin í jólafrí

Tvær nýggjar kvinnur er valdar inn í leiðsluna í Meinigheitshúsinum. Talan er um Birnu Petersen og Mariu Garðsá, sum báðar hava drúgvar royndir í andaligari leiðslu. Tær taka við 1. januar 2021.

Jóannis Fonsdal verður høvuðstalari á møtirøð í Meinigheitshúsinum í Havn 19-21. februar 2021. Møtir verða fríggjakvøldið, leygardagin og leygarkvøldið. Møtirøðin endar sunnukvøldið við felags náttura. Meira kunning seinni, men setið x í kalendaran longu nú.

Vit stroyma frá stórmøtinum sunnukvøldið 8. november. Men stórmøtini verða stroymd alt vikuskifti. Sí nærri skránna og set tíð av til besta boðskapin, sum er!

Mikukvøldið 21. oktober verður eitt spennandi evniskvøld í Meinigheitshúsinum. Evnið verður “kynini” og kemur sóknarpresturin Jákup E. Petersen úr Norðstreymoy at undirvísa. Byrja verður stundisliga kl. 19.30.

Tey ungu samlast hvørt hóskvøld. Komandi hóskvøld verður Chill, har millum annað Alfred Petersen fer at hava andakt. Men hóskvøldið 15. oktober verður heystferia og tí einki ungdómstiltak. Ungdómurin samlast eftir heystferiuna 22. oktober.

Tað verður Rolf Kjøde úr Norra, sum kemur at undirvísa um evnið, tær 7 meinigheitirnar, sum vit lesa um í Johannes Opinbering.

Vælkomin aftur í sunnudagsskúla í Meinigheitshúsinum. Eftir ein drúgvan steðg gleða vit okkum at fara í gongd aftur. Tí bjóða vit børnum, foreldrum, ommum og abbum hjartaliga vælkomin í Meinigheitshúsi til góðan sang, bíbliusøgur o.a.

Sunnukvøldið 30. august byrja vanlig møtir aftur í Meinigheitshúsinum eftir ein steðg orsakað av korona-støðuni. Møti verður kl. 17.30 og Torleif Johannesen talar.

Árligi meinigheitsfundurin var í Meinigheitshúsinum í Havn í dag. Áleið 50 fólk møttu upp til fundin, har stýrið m.a. legði fram nýggja hugsjón, ið varð endaliga samtykt. Nýggja hugsjónin fyri meinigheitina er: Vit eru ein livandi meinigheit, ið gevur býnum vón.