Temakvøldini í heyst vóru sera væl móttikin. Tí hava vit havt ynski at halda á fram við hesum kvøldum. Orsakað av korona smittuni, hava vit valt at bíða, men nú støðan er so mikið góð, fara vit at taka temakvøldini upp aftur í vár. Fyrsta temakvøld verður 24. mars, kl. 19.30, har vit fara at undirvísa í evninum: “Náðin og hennara virknaður”. Tað verður Petur Jacob Sigvardsen, sum fer at undirvÍsa. Sum vanligt hevur verið, so verður høvið at seta spurningar og samtala um evnið. Øll eru vælkomin.