Árligi meinigheitsfundurin verður leygardagin 21. mars kl. 10-13. Øll í meinigheitini eru vælkomin at luttaka hendan dagin, har vit koma saman at hoyra um gongdina í arbeiðinum og ætlanir fyri framtíðina.

Byrjað verður kl. 10:00, og á skránni er:

• Formansfrágreiðing

• Ársroknskapurin verður lagdur fram

• Høvi at seta spurningar og gera viðmerkingar

• Orðaskifti: Hvussu byggja vit brýr millum ættarliðini

Endað verður við døgurða kl. 12:00.

Út yvir vanligu frágreiðingarnar verður eisini orðaskifti um, hvussu vit byggja brýr millum ættarliðini, so øll – børn, ung og eldri – kenna seg heima í andliga felagsskapinum. Ættarlið eru ymisk, og mangan verður tosað um gjónna millum ung og eldri. Vit gleðast um, at savningarmegin í meinigheitini tykist vera góð millum ættarliðini – men hetta kemur ikki av sær sjálvum. Vit umrøða, hvussu vit áhaldandi arbeiða fyri at byggja brýr millum ættarliðini, so gleðiboðskapurin verður førdur víðari frá einum ættarliði til tað næsta.