Vælkomin aftur í sunnudagsskúla í Meinigheitshúsinum. Eftir ein drúgvan steðg gleða vit okkum at fara í gongd aftur. Tí bjóða vit børnum, foreldrum, ommum og abbum hjartaliga vælkomin í Meinigheitshúsi til góðan sang, bíbliusøgur o.a.

Sunnukvøldið 30. august byrja vanlig møtir aftur í Meinigheitshúsinum eftir ein steðg orsakað av korona-støðuni. Møti verður kl. 17.30 og Torleif Johannesen talar.

Árligi meinigheitsfundurin var í Meinigheitshúsinum í Havn í dag. Áleið 50 fólk møttu upp til fundin, har stýrið m.a. legði fram nýggja hugsjón, ið varð endaliga samtykt. Nýggja hugsjónin fyri meinigheitina er: Vit eru ein livandi meinigheit, ið gevur býnum vón.

Evnið á Tema døgunum í 2020 verður HIMMALIN. Vit fara at lýsa Himmalin gjøgnum Skrifturnar í fýra kvøld í januar mánaði, frá hósdegnum 23. til sunnudagin 26. januar. Tað verða Øssur Kjølbro og Alfred Olsen, sum fara at undirvísa og boða hesi kvøldini.