Øll tiltøk avlýst inntil 12. november

Nýggjastu tilmælini frá myndugleikunum:

Landsstýrið setur nú avmarkingar í verk fyri at tálma smittutrýstinum. Fyri eini løtu síðani komu boð úr landsstýrinum um, hvørji tiltøk skulu setast í verk. Landsstýrið sigur, at nú verða hesi tiltøk sett í verk, og tað er galdandi frá í dag:

• Øll tiltøk, har 50 fólk ella fleiri savnast, eiga at verða útsett.

• Ítróttardystir kunnu avgreiðast, men hetta eigur at vera uttan áskoðarar.

• Skúlar og dagstovnar, har smittan ger um seg, eiga at lata aftur. Ráðgevandi nevndin innan skúla- og dagstovnaøkið tekur saman við Landslæknanum støðu í hvørjum einstøkum føri.

• Frítíðarvirksemi hjá børnum og ungum eigur at steðga, har smittan ger um seg.

• Náttarlívið eigur at lata aftur. Hetta er tó ikki galdandi fyri matstovur.

• Øll eiga framvegis at kanna seg annan dagin eftir komu.

• Koronalinjan letur upp aftur í morgin.

• Hildið verður fram við at kanna og smittuspora.

Tilmælini eru galdandi í tíggju dagar. Frá í dag til og við fríggjadagin tann 12. november.

Hetta merkir, at einki tiltøk verða í Meinigheitshúsinum til og við 12. November.

Stýrið