Sunnudagin var Christmas Child í sunnudagsskúlanum. Í tí sambandi var teksturin um, tá Jesus mettar 5000 fólk við matpakka frá júst einum barni. Aftaná tekstin fóru spentu børnini niðan á pallin við gávueskjunum.

Endamálið við Christmas Child er at vísa Guðs kærleika til tørvandi børn í øllum heiminum. Við hesum er sunnudagsskúlin við til at boða góðu tíðindini um Jesus.
Christmas Child hevur virkað í fleiri ár. Síðan 1990, hava yvir 146 milliónir børn í meira enn 150 londum upplivað Guðs kærleika gjøgnum eina skógvaeskju.

Í ár fara eskjurnar til Ukraina.

Eskjur kunnu latast inn hesa vikuna - inntil 27 oktober.